Weisch wie häll isch d Früehligsnacht,

si hett mir ds tröime wider bracht

s`Lüftli stricht um ds Egg am Huus

e Melodie ergit sech drus.

Weisch wie schön isch d Schtärnepracht

u fiin u still der Mond mir lacht

tröimerei vo liechter Zyt,

so isch es Nacht, dr Morge wyt!

Weisch wie guet s`im Härze tuet

we eim die Tröim no mache Muet.

Nur ei Wunsch, dä schick i mit,

gly wider Fride, bessri Zyt.

M.Schafroth (März 2018)