Das si mir...dr JK Grosshöchstette. Mir si vom Ämmitau u si mit üsere Heimat töif verwurzlet. Mir heis gärn bodeständig u urchig. Üsers Reppertoire isch bunt gmischt u mir gäh üs Müeh, geng müglechscht viu Komponischte z berücksichtige, we mir uf dr Bühni si, dass es e Liederstruss git wo viu abwächslig git u für jede öppis derby isch! Mir hei i üsne Reihe o e Komponischtin, d Miriam Schafroth u da singe mir natürlich o ihrer Lieder gärn u viufach grad früsch ab Press!

Mir si dr 1.Tenor u singe u jutze geng öpä chli obe düre.

D'Miriam het geng aui Häng vou z'tüe, dass mir schön dobe blibe u geng öpä no chli chöi Lache dr zue.

Mir si d'Schlitzohre vom 2.Tenor. E ganz schöni u spezieui Stimm. Mir singe de o ganz höch u bringe rund um 1.Tenor chli Musig i di ganzi Sach.

Mir vom 1. Bass si e ganz wichtegi Stimm. D'Miriam muess üs zwar geng chli brämse, so das mir die anger nid düe übertöne.

So quer, wie üser Tön u Cherli i dä Lieder u Jütz, si mir aber de glich nid.

Am Schluss chömme no mir vom 2.Bass. Mir si z'Fundament vo derä ganze Gschicht. 

Mit üsne töiffe Stimme probiere mir üsne Kamerade e solidi Grundlag z'gä.

Mir si dr Feus i dr Brandig.

Sit 2002 hei sich die Vier  zumene Quartett zämegschlosse!

Si singe eifach a üsne Konzärt (Adväntskonzärt u Jahreskonzärt) u trätte süsch ir Regu nid öffentlech uf, will si aui süsch scho e huufe um d Ohre hei! Si haute sich a Traditionelle Jodelgsang u grabe geng öppe umä auti u schöni Liedli us! 

Drbi si v.l.n.r. Dänu Blum, Miriam Schafroth, Peter Thierstein, Peter Schafroth

Natürlech ghört o z'Familiequartett- Schafroth zu üsem Klub. Es isch wahnsinnig was die vier mit ihrne Stimme geng umä uf z'nöie chöi häre zoubere!

Si trätte o unabhägig vom Klub a ganz viune Ort uf.

Schön sit dir bi üs.

Drbi si v.l.n.r. Ädu-, Nadia-, Miriam- u Pesche Schafroth