Das si mir....

Das si mir...dr JK Grosshöchstette. Mir si vom Ämmitau u si mit üsere Heimat töif verwurzlet. Mir heis gärn bodeständig u urchig. Üsers Reppertoire isch bunt gmischt u mit gäh üs Müeh, geng müglechscht viu Komponischte z berücksichtige, we mir uf dr Bühni si, dass es e Liederstruss git wo viu abwächslig git u für jede öppis derby isch! Mir hei i üsne Reihe o e Komponischtin, d Miriam Schafroth u da singe mir nathürlich o ihrer Lieder gärn u viufach grad früsch ab Press!

Der 1. Tenor gset ier hie uf disem Heugeli. Ja mir gäh geng aus!

2. Tenor gseht me hie. Si si afe zahlriich u mir müesse geng luege das mer ne no nache möge!!

Dr 1. Bass e wichtegi Schtimm. Schön isch das es ume e junge Ma hett gäh i dere Schtimm, es geit witer u tönt u klingt! Schön!

O im 2. Bass dörfe mir flotti Bursche mit schöne Schtimme derbi ha. Mir si stolz  o chli Nachwuchs dörfe z verzeichne! (Glichgsinnti si immer härzlech Willkomme)

Darf i vorstelle: üse bewährt Vorstand!

Sit 2002 hei mir Vier üs zumene Quartett zämegschlosse!

Mir singe eifach a üsne Konzärt (Adväntskonzärt u Jahreskonzärt) u trätte süsch i dr Regel nid öffentlech uf, will mer alli süsch no e huufe um d Ohre hei! Mir halte üs a Traditionelle Jodelgsang u grabe geng öppe auti, schöni Liedli us! Es isch schön eso zäme z musiziere!

Derbi si v.l.n.r. Dänu Blum, Miriam Schafroth, Peter Thierstein, Peter Schafroth