Abschlussbrätlen 12.Juli 2019 bei Fam. Kohler, Niederhünigen
Am letschtä Fritig hei mir üs no einisch mit Kind und Kegel troffe, bevor das es i di wohlverdiente Summerferie isch gange. Mir hei wie au Jahr d`Fliespriise für üser Jodler verteilt u üsne liebe Froue, Fründine, Ching, Theaterlüüt, Vorstandsmitglieder u ar Dirigäntin danket für au das, wo si dür z`Jahr für üs mache.
Das isch e richtigi Fröid, ä Teil vo derä grosse Jodlerfamilie z`sy.
Schöni Ferie!
Ps: Fotos finget dir unger dr Rubrik: Üser Uftritte u schüsch Heugeli
Outdoor Singprobe 27.Juni 2019
Oh üs isch es z`heiss worde, so hei mir üsi Singprob churzerhand use verleit.
14.-16.Juni 52. Bernisch-Kantonales Jodlerfest 2019 Brienz am See
Juhu mir hei Grund zum Fiire!
Mir si am Berner-Kantonale z`Brienz mitem Wettvortrag "Schwendiflue Jutz" vom Simon Hefti mit dr Note 1 belohnt wordä. Mir danke aune, wo si cho losä u üs Dümme drückt hei.
Unger dr Rubrik "Uftritte u schüsch Heugeli" finget dir witeri Impressione zum Jodlerfescht.
Hochziit Helene & Beat Blum 18.Mai 2019
Mir vom JK Grosshöchstette wünsche öich für öi gmeinsami Zuekunft nume z`Beschtä, schöni Stunde u vo Härze aus Guete.
Öper nöis i üsne Reihe
Mir hei wieder es nöis Mitglied i üsem Klub dörfe ufnäh.
Er heisst Werner Brunner, chunnt ursprünglech vom Toggeburg u isch ganz e ufgstelltä Bursch.
Mir wünsche dir ganz viu schöni Stunde u viu Gfröits i üsem Klub.
Ehrig
Üse Peter Schäfer isch am 9.Februar 2019 z Burgdorf zum Ehreveteran geehrt worde!
Pesche mir gratuliere dir ganz härzlech u wünsche dir witerhin viu Fröid.
Konzert u Theater 2019
CD Vorstellig 23. Nov. 18 ir Chiuche Meiringen
Am 23. November 18 hei mir gholfe die nöi CD vor
Miriam Vorstelle. I dr Chilche Meiringe hetts es Idrücklechs u wunderschöns Konzärt gä.
Meh Biuder i dr Rubrik "Üser Uftritte u süsch no Heugeli".
Die nöii CD "Eso Momänte"
Juhee Juhee
es isch gscheh,
die nöii Schibe isch da
die mues me doch eifach ha!
Bstellige bi Schafroths oder allne Klubmitglider!
Spezieui Uftritte
Dr JK Grosshöchstette u dr JK Schüpbach hei d Ehr gha am ökomenische Gottesdienscht im Stockalpergarte em Samschtig am Eidg. Jodlerfescht ds Brig ds singe!
"Ohni Wort", Üse Chirschiboum" u dr "Tummligratjutz" hei mir zum Beschte gäh! Heiss isches gsi, aber idrücklech! Danke allne zäme!!
Üse Emil Stricker isch am 11.Februar 2017 z
Tramelan zum Ehreveteran gehrt worde!
Mir gratuliere ihm ganz härzlech u wünsche ihm no witerhin vil gfröiti Stunge i üsne Reihe!